ACCESS BENKI TANZANIA WATANGAZA CHAPA YAO MPYA , SASA KUIMARISHA MTANDAO WA KUWAFIKIA WATEJA WAO

 Na Mwandishi Wetu.

Dar-es-Salaam, Tanzania - Oktoba 9, 2024: Access Bank Tanzania Limited inajivunia kutangaza utambulisho wa chapa yake, kufuatia mafanikio ya ununuzi wa BancABC Tanzania. 

                             

Tukio hili muhimu pia linaambatana na tukio maalum la kuthamini wateja, na kuthibitisha dhamira ya Benki katika kutoa huduma bora za kifedha kwa wateja wake ambao kwao wanathamani kubwa.

Chapa hiyo mpya imebuniwa kwa kuonyesha Umbo la almasi lililounganishwa kwenye 'chevrons' tatu, ambazo huangaza pande zote ili kuunda tabaka la msingi. 

Hii ni zaidi ya mstari wa chapa, Ni falsafa, Inasisitiza maadili ya kundi hili la benki endelevu, kukuza biashara ndani ya Afrika na kufikia masoko ya kimataifa.

Kuwapa SME zana za kujenga biashara kuwapa watu fursa ya kutimiza ndoto zao. 

Akizungumza katika hafla ya uzinduzi huo, Mkurugenzi Mtendaji wa Benki ya Access Tanzania, John Imani alisema:

"Uzinduzi huu ni sherehe ya wateja wetu, kiini cha biashara yetu, tunathamini uaminifu wao tunapovuka Access na kuwa Access Bank Tanzania.

"Tutaendelea kujitolea kutoa uzoefu wa kibenki bila matatizo na kuchangia maendeleo ya uchumi wa Tanzania," alisema Imani, Aidha, alielezea shauku yake kuhusu muunganiko huo na fursa zinazotolewa: 

"Baada ya kukamilika kwa ununuzi wa BanckABC, Benki ya Access Tanzania itaimarisha mtandao wake uliopanuliwa kufikia wateja na jamii nyingi zaidi nchini kote. Benki inapanga kuwekeza katika miundombinu, teknolojia, na vipaji ili kuboresha uzoefu wake kwa wateja na kuendesha ushirikishwaji wa kifedha.

Kufanikiwa kuinunua BancABC Tanzania kunaashiria hatua kubwa ya maendeleo katika mkakati wa upanuzi wa Benki ya Access. Benki imejitolea kutumia utaalamu na rasilimali ili kutoa huduma za kipekee za kifedha kwa wateja nchini Tanzania na kwingineko.

Dkt. Hassan Abdullali, Naibu Mkurugenzi Mtendaji wa Benki ya Access Tanzania ilisema: 

“Zaidi ya mabadiliko ya utambulisho wetu, ahadi yetu mpya ya kuwa zaidi ya benki, itatuwezesha kutoa huduma nyingi zaidi zinazoboresha maisha ya wateja wetu, msaada zaidi na fursa kwa wafanyakazi wetu, mawazo zaidi ya kuvumbua sekta yetu na kujenga mafanikio zaidi kwa Tanzania.” 

Alisaema wataendelea kujitolea daima kuwaletea bidhaa, huduma na fursa ambazo zina matokeo chanya katika maisha yao na kuwawezesha kufikia malengo yao.

Tukio la kadhimisha wiki ya huduma kwa wateja na kuzindua chapa mpya ni sehemu ya juhudi zinazoendelea za Benki ya Access kuimarisha uhusiano na wateja wake, kuimarisha uhusiano wa jamii na kuimarisha utoaji wake wa huduma kote nchini.