MAFUNDI UJENZI DODOMA WAPIGWA MSASA , WAZIFURAHIA BIDHAA ZA KIBOKO

 Na Mwandishi Wetu.

Kampuni ya MMI Steel Ltd, mojawapo ya kampuni zinazoongoza kwa uzalishaji wa bidhaa za ujenzi nchini Tanzania, Jumamosi ya June 28 , 2025 ilifanya mkutano mkubwa na mafundi ujenzi wa mkoa wa Dodoma. Lengo kuu la mkutano huo lilikuwa ni kuwaelimisha mafundi kuhusu matumizi sahihi ya bidhaa za kampuni hiyo, ikiwemo mabati maarufu ya Kiboko pamoja na bidhaa nyingine bora kama nondo, Kiboko wallputty , na vifaa vingine vya ujenzi vinavyozalishwa chini ya mwavuli wa Motisun Group.

Katika mkutano huo, mafundi walipata fursa ya kuuliza maswali, kushirikiana uzoefu, na kupata elimu ya kitaalamu kuhusu namna bora ya kutumia bidhaa za MMI Steel ili kuhakikisha uimara na ubora wa majengo wanaoyajenga. Mafundi wengi walionyesha kuridhishwa na bidhaa za Kiboko, wakizielezea kama nguzo muhimu za ujenzi imara na wa kudumu.

> "Nimekuwa nikitumia mabati ya Kiboko kwa miaka kadhaa sasa, na ukweli ni kwamba ni mabati yenye uimara wa hali ya juu, hayashiki kutu kwa haraka, na yanahimili hali zote za hewa. Kwa kweli ni bidhaa ambayo siwezi kuacha kuitumia kazini," alisema fundi Juma, mmoja wa mafundi waliohudhuria.

Wengine waliongeza kwa kusisitiza kuwa Kiboko ni chapa inayowawezesha kuwahakikishia wateja wao ujenzi wa kisasa na wa kuaminika. Walitoa shukrani kwa MMI Steel kwa kuchukua hatua ya kuwafikia mafundi moja kwa moja – hatua iliyosaidia kuongeza uelewa wa bidhaa na kuimarisha ushirikiano wa moja kwa moja kati ya wazalishaji na watumiaji wa mwisho.

Kwa upande wa MMI Steel, wawakilishi wa kampuni hiyo walisema kuwa lengo lao ni kuhakikisha kila fundi anapata maarifa ya kina kuhusu bidhaa zao, ili azitumie kwa usahihi na kufanikisha ujenzi unaokidhi viwango vya kisasa.

> "Tunatambua mchango mkubwa wa mafundi katika kuhakikisha majengo yanajengwa kwa viwango bora. Ndiyo maana tumekuja moja kwa moja Dodoma kuwapa mafunzo ya matumizi ya bidhaa zetu – si tu mabati ya Kiboko, bali pia nondo na bidhaa nyingine muhimu za ujenzi," alisema mmoja wa wahandisi wa MMI Steel.

Kampuni ya MMI Steel ni sehemu ya Motisun Group, kundi kubwa la kampuni linalomiliki chapa mbalimbali zinazoongoza sokoni kama Kiboko, Tembo, na Sayona. Kupitia ubunifu na teknolojia ya kisasa, MMI Steel imeendelea kuwa tegemeo kubwa kwa sekta ya ujenzi nchini.

Kwa mafanikio ya mkutano huu, ni wazi kuwa MMI Steel inaendelea kujijengea jina la kuaminika miongoni mwa mafundi wa Tanzania, hasa kwa kutoa bidhaa zenye viwango vya kimataifa na kuonyesha nia ya dhati ya kuungana na wadau wa msingi katika sekta ya ujenzi.